ТАВАРЫ́СТВА АМА́ТАРАЎ РАСІ́ЙСКАЙ СЛАВЕ́СНАСЦІ,

літаратурна-навуковае таварыства ў 1811—1930 (з перапынкам у 1837—58) пры Маскоўскім ун-це. Старшыні: М.​Загоскін, А.​Хамякоў, М.​Пагодзін, І.​Аксакаў, Ф.​Буслаеў, П.​Сакулін і інш. На пасяджэннях выступалі А.​К.​Талстой, І.​Тургенеў, А.​Фет, Ф.​Дастаеўскі, Л.​Талстой, І.​Бунін, В.​Брусаў і інш. Т-ва выдала: «Працы ТАРС» (ч. 1—20. 1812—21), «Творы ў прозе і вершах» (ч. 1—7, 1822—28), «Тлумачальны слоўнік...» У.​Даля (ч. 1—4, 1863—66), «Песні, сабраныя П.​В.​Кірэеўскім» (вып. 1—10, 1860—74; новая серыя, вып. 1—2, 1911—29), зб-кі «Тургенеў і яго час» (1923), «Пушкін» (т. 1—2, 1924—30).

т. 15, с. 371

Беларуская Энцыклапедыя (1996—2004, правапіс да 2008 г., часткова)